上綠色和平http://www.greenpeace.org/china/ch/睇下 呢D先係真正既要聞，係實物既報導，係生命既告急 唔係咩「金融海嘯」Ｄ甘人為意識形態既災難 某人同我講過，佢唔關心環保問題，係因為佢既祖先都無甘做．．． 可言之為「慎終追遠」 我相信佢唔係甘了解佢祖宗十八代， 人類對地球既無理搾取，係呢幾百年既事 始於文藝復興＋工業革命＋資本主義 始於人類相信單向既發展模式，令貪婪成為必然既價值觀 始於人類既自大，相信人類是大自然中既特權階級，「人定勝天」 某人好似平常人一樣：希望有個家庭，生兩個細路。 如果唔關心環保，請不要繁殖下一代 別以為搵大把錢供書教學就係「愛」 我地呢一代人，正在為子孫預備一個不能住人既地球 將來，污染所導致既糧食問題＋食水問題＋溫室效應，係有錢都解決唔倒既 你俾錢個海條河天空同土地，佢係唔會蘇你既 不過，根據「物競天擇，適者生存」既定律 都可能會有人生存落黎既 如果佢進化到可以承受高溫、只需少量氧氣、消化含重金屬同化學原料既食物的話 又或者進化做月球人，響地球１／７既重力之下進行不需二氧化碳既光合作用 我都幾肯定果Ｄ唔係我既後裔 而且應該好少人可以趕得上進化－污染既效率比進化高好很多 地球不會因此毀滅 響無生命無氧氣之前，地球都係甘轉 消失既只會係我地 如果少人關心係因為唔值錢 要反思：當初錢既出現，係為左方便，係ｍｅｄｉａ ｏｆ ｅｘｃｈａｎｇｅ 如果我地將打結既繩代入錢既功用： 少人關心環保係因為唔值打結既繩 甘就知道幾荒謬！！！ 今時今日，結婚用以代表永恆不變既係鑽石 日後不妨改用：膠袋／發泡膠盒，擔保有排唔會化 我地依家考古挖番Ｄ青銅石器出黎 幾百年之後，Ｄ人周圍考古應該會挖到好多塑膠製品 你知啦，除左係堆田區之外，周圍都有非法拋棄既垃圾ｇａ ｍａ 幾百年之後既人，一定會恥笑我地今日開私家車既行為 污染空氣、浪費原油，甚至乎道路系統根本負荷唔到，經常塞車，浪費時間 明明可以運載多人既原油，就只運載一兩個人，資源運用嚴重失當 仲有果Ｄ漫無目的周圍兜客既的士呢？ 其實有電能氣車既發明，不過因為「唔值打結既繩」，所以研究推出進度緩慢 研究手提電話、數碼相機既資源不用黎研究環保汽車， 好地地一個普通人，根本用唔著甘多功能甘高像數甘多款甘多部既電子產品 我相信將現有既資源：廢紙呀、膠呀、金屬呀、玻璃呀 全面循環再用既話，係有排都唔駛做Ｄ新既出黎 點解人就係鐘意開採自然資源再送入堆田區呢？ 如果全面使用可再生能源，就可以解決石油危機、污染同大量呼吸系統疾病 不如試下高樓大廈既玻璃外牆全部換晒大陽能發電板 或者Ｄ人去健身室用既器械，例如：跑步機丫，駁落發電機果度 香港一日產生大量垃圾，不妨搞環保回收業，實有得做，大把資源 甘就可以解決失業問題，而且請人分類垃圾就唔駛高技術，中年低學歷人士都做得黎 回收廚餘同食淨既食物做肥料，一定可以多到出口都仲得 香港人浪費食物係出晒名ｇａ ｍａ 成為世界環保港，實易過做中藥港、高科技港，因為響環保問題上，全個地球都有太多發展空間 「物以罕為貴」 將來有一日，ｍｅｄｉａ ｏｆ ｅｘｃｈａｎｇｅ變成 一杯清水、一棵樹、一口清新空氣既時候 人類必定會醒覺 但係到左果個時候 要為我們今天既愚蠢 而犧牲既生命 實在太多了．．． | 
